२२ चैत्र, काठमाडौँ । माध्यमिक शिक्षा परीक्षा (एसईई) सकिएको भोलिपल्ट देखि सुरु भएको नेपाल शिक्षक महासंघको आन्दोलनका कारण एसईईको उत्तरपुस्तिका परीक्षणमा ढिलाइ हुने हो कि ? भन्ने चिन्ता व्यक्त भएको छ ।
राष्ट्रिय परीक्षा बोर्डका अध्यक्षले यस्तै परिस्थित एक साताभन्दा बढी लम्बिएमा उत्तरपुस्तिका परीक्षण नै अवरुद्ध हुने अवस्था आउन सक्ने चिन्ता व्यक्त गरेका छन् ।
Advertisement
पठनपाठन र सबै सरकारी काम बन्द गरेर आन्दोलनका लागि राजधानी काठमाडौँ आएका शिक्षकहरूले यसपटक माग पूरा नभई घर नफर्कने अडान लिएका छन् ।
शिक्षा मन्त्रालयले आन्दोलनरत शिक्षकहरूलाई वार्ताका लागि आह्वान गरे पनि वार्ताको औचित्य नभएको भन्दै माग पूरा गर्न आग्रह गरेका छन् ।
Advertisement
विद्यालय शिक्षा ऐन जारी गर्न माग गर्दै प्रदर्शनरत शिक्षकहरु सरकारले बोलाएको वार्तामा सहभागी नभएपछि सरकारले वार्ताका लागि पुनः आह्वान गरेको छ ।
Advertisement
टिप्पणीहरू